Aleksandar Vučić kategoričan: “Dok sam živ neću u Hrvatsku na more”

Predsjednik Srbije Aleksandar Vučić izjavio je da mora dati sve od sebe da Srbija ima najbolje odnose sa susjedima, ali da ne smije da zaboravi šta je bilo sa srpskim narodom u Drugom svetskom ratu.

Vučić je u intervjuu za Prvu televiziju rekao da više desetina hiljada ljudi svake godine ljetuje u Hrvatskoj, a da je njegov lični stav da on “dok je živ” neće da ide tamo na more.

Kazao je da ne zamjera građanima Srbije koji ljetuju u Hrvatskoj.

Oni (građani) koji već ljetuju tamo su time iskazali svoj stav o svemu, moj stav je da ja tamo ne bih ljetovao i to je u redu, svako ima svoje mišljenje, i to je suština demokratskog društva“, rekao je Vučić za TV Prva.

On je dodao da nije htio da ide na more, već u Jasenovac, da pokaže poštovanje prema žrtvama i da je ponovo tražio da posjeti to mjesto stradanja, ali da se s tim ništa nije dogodilo.

Ponovio je svoju raniju izjavu da je bio šokiran što u Beogradu nema ulice posvećene jasenovačkim žrtvama, niti spomenik.

Vučić je ocjenio da je u Hrvatskoj počela revizija istorije.

Kako je rekao, Hrvatska se ljuti zbog obilježavanja zločina na Petrovačkoj cesti, jer žele da pokažu da je akcija “Oluja“ bila “čista“.